- 17/03/2025
- 68
Parahatçylyk we ynanyşmak
Bitarap Türkmenistan döwletimiz Garaşsyzlygynyň ilkinji günlerinden başlap, dünýä döwletleri bilen ikitaraplaýyn we köptaraplaýyn hyzmatdaşlygy ýola goýmaga we ösdürmäge uly üns berip gelýär. 1995nji ýylyň 12nji dekabrynda ýurdumyz BMG tarapyndan resmi taýdan ykrar edilen ilkinji Bitarap döwlet boldy.
Häzirki wagtda Türkmenistanyň daşary ýurt döwletleri we halkara guramalary bilen gatnaşyklarydyr hyzmatdaşlygy hasda iş jeňleşýär. Parahatçylygyň, howpsuzlygyň pugtalandyrylmagyna, durnukly ösüşiň üpjün edilmegine gönükdirilen döredijilikli, daşarysyýasy başlangyçlar munuň aýdyň nyşanydyr. Şol teklipler dünýä bileleşiginde giň goldawa eýe bolýar we möhüm meseleleriň çözülmegine uly goşant goşýar. Bu ýerde gürrüň, ozaly bilen, halkara ykdysady gatnaşyklary ösdürmek, energetika, ekologiýa howpsuzlygyny üpjün etmek, halkara ulag geçelgelerini döretmek we birnäçe başlangyçlar barada barýar.
Häzirki döwürde hemişelik Bitaraplyk derejesinden gelip çykýan ýörelgeleriň baş maksady ählumumy parahatçylygy, howpsuzlygy pugtalandyrmakdan, ähli gyzyklanma bildirýän ýurtlar we hyzmatdaşlar bilen hoşniýetlilige daýanýan dostdoganlyk gatnaşyklaryny giňeltmekden, dünýäde durnukly ösüşi üpjün etmekden ybarat bolup durýar. Bu ýörelge Garaşsyz Türkmenistanyň parahatçylyk söýüjilikli daşary syýasatynyň özenini düzýär.
BMGniň Baş Assambleýasynyň 12nji dekabry «Halkara Bitaraplyk güni» diýip yglan etmegi, birnäçe Kararnamalary kabul etmegi, şol sanda «Türkmenistanyň hemişelik Bitaraplygy», «Halkara parahatçylygy, howpsuzlygy saklamakda we pugtalandyrmakda hemde durnukly ösüş işinde bitaraplyk syýasatynyň orny», şeýle hem Türkmenistanyň başlangyjy boýunça «Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkeziniň orny» atly Kararnamalaryň kabul edilmegi ýurdumyzyň Bitaraplyk syýasatynyň giň goldawa eýe bolmagynyň kepilidir. Bu ýagdaý hemişelik Bitaraplygymyzyň 30 ýyllygynyň we Birleşen Milletler Guramasynyň döredilmeginiň 80 ýyllygynyň utgaşyp gelmegi bilen bagly bolup durýar. Bu bolsa 2025nji ýylyň ähmiýetini hasda artdyrýar.
Mährijemal Hallyýewa,
Türkmenistanyň Telekommunikasiýalar we
informatika institutynyň uly mugallymy.
