Ýaş alymlar geňeşi

Ýokary okuw jaýynda önümçiligiň dürli ugurlary bilen ysnyşykly gatnaşyklar ýola goýulýar, dürli görnüşli programma üpjünçilikleri döredilýär, şeýle hem telekommunikasiýa infrastrukturasynyň taslanylşy​ bilen bagly meseleleri çözmäge talyplary höweslendirmek ýaly işler alnyp barylýar. IKT​ dünýäsindäki öňdebaryjy kompaniýalaryň işgärleriniň 28 -30 ýaşdan geçmeýänligi​ ýaly aýratynlyklaryny göz öňünde tutsak, talyplary işe çekmek, esasy bilimleri almak bilen bilelikde olarda professional endikleri döretmäge ýol açar we şol bir wagtyň özünde innowasion önümleri öndürmekde oňaýly tejribe bolar. Şu günki gün dünýäde bolup geçýän özgerişikleriň çäklerinde iri göwrümli maglumatlar, şeýle hem emeli aň ýaly ugurlarda täze tendensiýalardyr​ standartlar emele gelýär we her bir adamyň dünýäniň täze ugurlaryny kesgitlemäge mümkinçiligi bardyr. Munuň üçin bolsa tejribe alyş-çalyşygy, täze pikirleriň gözlegi, ýoldaşlaryň bilen toparlaýyn işlemek.

Belläp geçmeli zatlaryň biri, sanlaşmak​ bilen bagly taslamalary durmuşa geçirmek üçin iri göwrümli maýa goýumlara we çig mallara zerurlyk ýok, şeýle wezipeleri durmuşa geçirmek üçin kompýuter ylymlarynda​ başarnyk, adaty däl pikirlenme ukyby we elbetde, kompýuteriň özi ýeterlikdir. Şol sebäpli ýokary okuw jaýda döredijilik atmosferasy​ bardyr, şol sanda bilim, ylym, önümçilik we biznes ýaly ugurlar toplumlaýyn bir ýere jemlenendir. Şeýle görnüşli ýokary okuw jaýlar innowasion häsiýetleri bilen tapawutlanýar. Şular ýaly ýokary okuw jaýlarda taýýarlanylýan hünärmenler bilimlere daýanýan ykdysadyýeti ösdürmekde öz ukyp-başarnyklaryny amal etmelidirler. Talyplarda başlangyç we düýpli bilimleri ösdürmekden başga-da, IT ýokary okuw jaýynda täze ideýalary​ generirlemek​, aýratyn pikirlenmek, adaty däl ýagdaýlarda karar kabul etmäge döredijilikli çemeleşmek ýaly geljekki hünärmenler üçin derwaýys häsiýetlere, ýaşlardaky ylmy döredijilige bolan gyzyklanmany şeýle hem ylmy-amaly önümçilikde ukyplary artdyrmaga we tehnologiki meseleleri çözmäge aýratyn üns berilýär.