• 11/12/2024
• 72

Ylym-bilim-önümçilik arabaglanşygyny ýola goýmak üçin innowasion taslamalaryň we programma üpjünçilikleriň sergisi geçirilýär

2024-nji ýylyň 24-nji sentýabrynda geçirilen Türkmenistanyň Halk Maslahatynyň taryhy mejlisinde Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň “Ýokary okuw mekdeplerinde ylym-bilim-önümçilik arabaglanyşygynyň kämil usulyny döretmek” barada beren, degişli tabşyrygyny ýerine ýetirmek maskady bilen Türkmenistanyň Telekommunikasiýalar we informatika institutynda 2024-nji ýylyň 11-nji dekabrynda sagat 10:00–18:00 aralygynda institutyň mugallymlarynyň we talyplarynyň işläp taýýarlan innowasion taslamalarynyň hem-de programma üpjünçilikleriniň sergisini geçirilýär. Sergide 2024-nji ýylyň dowamynda işlenilip taýýarlanylan önümçilik proseslerini awtomatlaşdyrmaga niýetlenen innowasion taslamalaryň, dürli maksatly kompýuter we ykjam programmalaryň birnäçesi görkezilýär.

Institutda geçirilen sergä mugallymlar we talyp ýaşlar bilen bir hatarda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmendemirýollary» agentliginiň, «Türkmenaragatnaşyk» agentliginiň, «Türkmenawtoulaglary» agentliginiň, «Türkmenhowaýollary» agentliginiň sanly ykdysadyýeti ösdürmek, sanly ulgamy durmuşa ornaşdyrmak boýunça işleri alyp barýan hünärmenleri işjeň gatnaşýarlar.

Ýurdumyzda innowasiýalary we sanly tehnologiýalary önümçilige ornaşdyrda iň gowy dünýä tejribesiniň gazananlaryna aýratyn üns berilmegi dürli ugurlarda belent sepgitlere ýetilmegini üpjün edýär. Munuň aýdyň mysalyny Türkmenistanyň Telekommunikasiýalar we informatika institutynda geçirilýän giň gerimli sergide görmek bolýar. Ýokary okuw mekdebiniň talyplarynyň ylmy işleri, taslamalary, döredijilikli gözlegleri serginiň esasy aýratynlygyna öwrülýändigini serginiň çäklerinde görmek bolýar. Institutyň Ýaş alymlary tarapyndan işlenip düzülen Emeli aň esasynda işleýän robotlar gatnaşyjylaryň ünsini çekýär. Awtomatlaşdyrylan inkubator we akylly öý taslamalary innowasiýalar esasynda taýýarlanan taslamalar önümçilige ornaşdyrmak üçin gyzyklanma bildirýän taraplar üçin örän peýdaly boljakdygy bellenilmäge mynasypdyr.

Häzirki wagtda döwrebap awtomatlaşdyrylan sortlaýyş ulgamy we ykdysadyýetimiziň dürli pudaklarynyň işini sanlylaşdyrmaga gönükdirilen programma üpjünçilikleri sergä aýratyn öwüşgin berýär. Sergi ýokary okuw mekdebinde okuw ýylynyň dowamynda edilen işleriň özboluşly gözden geçirilişine öwrüldi. Bularyň ählisi institutda degişli ugurlarda alnyp barylýan işleriň üstünliklere beslenmegini hem-de ösüşleriň döwrebap, ylmy esasda gazanylmagyny üpjün edýär.

Şeýle il-ýurt bähbitli, döwlet ähmiýetli oňyn işleri amala aşyrýan Arkadagly Serdarymyzyň we Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň janlary sag, ömürleri uzak, il-ýurt bähbitli alyp barýan işleri hemişe rowaç bolsun!

Türkmenistanyň Telekommunikasiýalar

we informatika institutyň mugallymy

Begenç Annaýew