Radioaragatnaşyk, radioýaýlym we telewideniýe

“Radioaragatnaşyk, radioýaýlym we telewideniýe” hünäri boýunça inženeriň hünär işiniň esasy ugurlary: aragatnaşyk ulgamy (aragatnaşyk kärhanalarynda we edaralarynda); bilim ulgamy (telekommunikasiýa ugurlary boýunça hünärmenleri taýýarlaýan ýörite orta we ýokary bilimli hünärmenleri taýýarlaýan okuw mekdeplerinde); ylmy-barlag (telekommunikasiýa ugurlary boýunça ýokary okuw mekdepleriniň labaratoriýalarynda, ylmy-barlag institutlarynda); guramaçylyk - dolandyryş (telekommunikasiýa ugurlary boýunça döwlet dolandyryş, ýerli, sebit we döwlet öz-özüňi dolandyryş edaralarynyň işleri); seljeriş-barlag (telekommunikasiýa ugurlary boýunça seljeriş, standartlaşdyrma we sertifikatlaşdyrma merkezleriniň we döwlet edaralarynyň işleri) işleri. Uçurymyň hünär işiniň esasy obýektleri bolup,  simli,  optiki süýümli,  radio ýa-da beýleki görnüşli: aragatnaşyk torlary we kommutasiýa ulgamlary; köpkanally telekommunikasiýa ulgamlary, şol sanda optiki süýümli aragatnaşyk ulgamlary; radioaragatnaşyk ulgamlary we gurluşlary, şol sanda, hemra we mobil aragatnaşyk ulgamlary; ses we telegepleşik, elektroakustika we gepleşik, informatiki, multimediýa tehniki ulgamlar we gurluşlar; telekommunikasiýa ugurlary boýunça taslama – gözleg ulgamlary; telekommunikasiýa ulgamlarynda menejment we marketing ulgamlaryboýunça belgileriň, signallaryň, ýazuw tekstiniň, şekilleriň we sesleriň islendik görnüşde geçirilişini, şöhlelendirilişini we kabul edilişini üpjün edýän tehnologiki ulgamlar we tehniki serişdeler durýarlar. Olar “Türkmenaragatnaşyk” agentliginiň edara-kärhanalarynda ýokary hünärmene niýetlenen wezipeleri eýeläp bilerler.